Молитва о помощи

[Наталья 1]

О святая блаженная мати Матроно, услыши и приими ныне нас, грешных, молящихся к тебе, навыкшая во всем житии твоем приимати и выслушивати всех страждущих и скорбящих, с верою и надеждою к твоему заступлению и помощи прибегающих, скорое поможение и чудесное исцеление всем подавая, да не оскудеет и ныне милосердие твое к нам, недостойным, мятущимся в многосуетном мире сем и нигде не обретающих утешения и сострадания в скорбех душевных и помощи в болезнех телесных, исцели болезни наша, избави от искушений и мучительства диавольского страстно воюющего, помоги донести житейский свой крест, снести вся тяготы жития и не потерять в нем образ Божий, веру Православную до конца дней наших сохранити, упование и надежду на Бога крепкую имети и нелицемерную любовь к ближним, да помоги нам по отшествии из жития сего достигнути Царствия Небесного со всеми угодившими Богу, прославляя милосердие и благость Отца Небесного, в Троице славимаго: Отца и Сына и Святаго Духа во веки веков. Аминь.

Избранной Богом от младенческих пелен и даром прозорливости, чудотворения и исцеления благодатию Духа Святаго одаренной,блаженной старице Матроне, нетленным венцем от Господа на небеси увенчанной, соплетем и мы, православные, на земли венец похвальный из песней духовных, ты же, БЛАЖЕННАЯ МАТИ, прими сие от наших сердец благодарных и яко имущая дерзновение пред Господом, от всяких нас бед, скорбей, болезней и козней вражиих избави, да с любовию поем ти:
Радуйся, блаженная старице Матроно, предивная чудотворице.

Ангелом во плоти в рождестве твоем явилася еси на земли, аще и без телесных очес узрелася еси от всех, но Господь, умудряющий слепцы и праведных любящий, просвети духовные очеса твоя, да явишися предвидящая будущая, яко настоящая и от всяких многгобразных болезней страждущих исцеляющая. Мы же за сие зовем ти, мати, таковая:
Радуйся, от младенчества Богом избранная; Радуйся, благодатию Духа Святаго от пелен осиянная.
Радуйся, дарованием чудотворения из млада наделенная; Радуйся, премудростию от Бога свыше одаренная.
Радуйся, телесных очес лишенная, очесами душевными просвещенная;
Радуйся, паче зрячих и мудрецов века сего Богом умудренная.
Радуйся, блаженная старице Матроно, предивная чудотворице.

Матушка Матронушка! Молю на коленях, не оставь меня и впредь. Моли Бога обо мне, умоляю. Спасибо тебе!